Tuesday, June 20, 2017

ජගත් පරිසර දිනය 2017 

ජගත් පරිසර දිනය සෑම වසරකම ජුනි මස පස් වන දිනට යෙදුනද පරිසර හිතකාමී ස්වේච්ඡා සංවිධානය ලෙස අපි මිහිමව වෙනුවෙන් ඇගේ ආරක්ෂාව වෙනුවෙන් නිරන්තරයෙන්ම කටයුතු කරන්නෙමු. නමුත් අප ලද ආරාධනාවකට අනුව පරිසර දිනය දා උදෑසන මාතලේ බලා පිටත් වූයේ මෙම දිනය වඩාත් අර්ථවත් ලෙස ගත කිරීමේ බලාපොරොත්තුවෙන්. මොකද ECO-V අපි හැමදාමත් කැමතියි හරිත චින්තනයක් ඇති පුද්ගලයින් සමාජයට වැඩි වැඩියෙන් බිහි කිරීමට. පෙ.ව. 9.00ට මාතලේ දිසාපති කාර්යාලයේදී ආරම්භ කරන ලද අවබෝධාත්මක පරිබෝජනය දැනුවත් කිරීමේ වැඩසටහට එහි සේවය කරන පිරිස මෙන්ම විවිධ කාර්යයන් සඳහා එම ස්ථානයට පැමිණෙන පීරිසද සහභාගී විය.  පරිසර හිතකාමී ලෙස තිරසර ජීවන රටාවකට හුරු වීමේ වැදගත්කම හඳුනාගත් මෙම පිරිසෙන් ඉතාමත් ධනාත්මක ප්‍රතිචාර ලැබීම ECO-V අපගේ සතුටට කරුණක් විය.








ශ්‍රී ලංකා රජය විසින් තිරසර ගම්මානය ලෙස නම් කරන ලද ඕවිලිකන්ද ගම්මානයේ ඕවිලිකන්ද මහා විද්‍යාලයේ ලෝක පරිසර දිනය වෙනුවෙන් සංවිධානය කරන ලද ශිෂ්‍ය කඳවුරෙහි කාන්චනා වීරකෝන් මහත්මිය විසින් දේශනයක් මෙදිනම පවත්වන ලදී. 
පසු දින එනම් හය වන දින මාතලේ ක්‍රිස්තුදේව විද්‍යාලය විසින් පරිසර දිනය නිමිත්තෙන් වැඩවටහනක් සංවිධානය කරන ලදී. එහිදී වරුණි, ලක්මිණි සහ චාපා විසින් අවබෝධාත්මක පරිබෝජනය ප්‍රදර්ශනය සිදු කරන අතර කාන්චනා වීරකෝන් මහත්මිය විසින් පරිසරය සමග සම්බන්ධ වීම පිළිබඳව දේශනයක් පවත්වන ලදී






No comments:

Post a Comment