වන්නි යාත්‍රා 2018

පොසොන් මස දෙවන දිනය ECO-V සදහා විශේෂ දවසක් විය.මෙයට හේතුව නම් ECO-V ආයතනයේ  මාස ගණනක මහන්සිය මල් පල දරන දිනයක් වීමයි.එනම් වන්නි යාත්‍රා වැඩසටහන පටන් ගැනිමයි. වන්නි යාත්‍රා යනු හරිත නායකයින් බිහිකිරීමේ වැඩසටහනකි. මෙය ECO-V හි විශේෂ වැඩසටහනකි.

මේ සදහා ලංකාවේ සෑම ප්‍රදේශයක්ම නියෝජනය වන පරිදි සාමජකයින් 30 දෙනෙක් තෝරා ගන්නා ලදි.එම සාමාජිකයින් සමඟ රාත්‍රි 8.30ට කොළඹ දුම්රිය ස්ථානයෙන් යාපනය බලා පිටත් වන දුම්රියේන් කිලිනොච්චිය සඳහා පිටත් වන ලදි. මෙහිදි එකිනෙකාට ආගන්තුක ස්වභාවයක් තිබ්නි. එයට හේතුව නම් මෙම 30 දෙනා කලින් දැන හදුනා ගෙන නොතිබිමයි .දුම්රිය ගමනේදි එකිනෙකා දැන හදුනා ගන්නා ලදි. පසු දින හිමිදිරි උදෑසන 4.45ට පමණ කිලිනොච්චි දුම්රිය ස්ථානයෙන්  බැස නාවාතැන සඳහා පිටත් විය.

කිළිනොච්චියට ළඟා වූ දකුණින් පැමිණි කණ්ඩායම

වන්නි යාත්‍රා පළමු දිනය  මෙහිදි අප හට උතුරු ප්‍රදේශයේන් පැමිණි සාමාජිකයින් පලමු වරට හමුවිය. පළමුව ඔවුන් සමඟ අපට අදහස් ප්‍රකාශ කිරීම යම් තරමකට අභියොගයක් විය. නමුත් සෑම දෙනාගේම සහයෝගයෙන් එම අභියෝගය යම් තරමකට ජය ගන්නා ලදි. එදින පැරණි යාත්‍ර සඳහා සහභාගි වු නිව්ටන්,ධනුෂ්ක,ගයනි,චාපා යන අය විසින් නව සාමජිකයන් සඳහා කණ්ඩායම් හැඟිම් වර්ධනය කරගන්නා අකාරය පිළිබඳ විවිධ ක්‍රියාකාරකම් සිදු කරන ලදි. එසේම  සවස් වරුවේ පරිසර හිතකාම් ස්වේච්ඡා සංවිධානයේ සභාපතිනිය වන කාන්චනා මහත්මිය විසින් පරිසරය, කාළගුණ විපර්යාස සහ ඒවායේ බලපැම,කෙසේද අපි පරිසරයට ආදරය  කරන්නේ කෙසේද  පරිසරය වෙනුවෙන් අපිට කළ හැකි දේ. හරිත අත් සටහන හා කාබන් පාද සටහන පිළිබඳව හරවත් දේශණයක් සිදුකරන ලදි. ඊට පසු සමාජිකයන් සඳහා පාපැදි බෙදා දෙන ලදි.එදින සවස කැළණි නදී යාත්‍රා සදහා සභාගිවු සෙල්වම්ද අප සමඟ එකතු වී ඔහුගේ අත්දැකිමි අප සමඟ බෙදාගන්නා ලදි.

කාන්චනා මහත්මිය විසින් පැවැත්වූ ප්‍රථම දේශනය

වන්නි යාත්‍රාවේ දෙවන  දිනය උදාවිය.උදැසන ශාරිරික සුවතා සහ නව අත්දැකිමක් වන පරිසර භාවනාව සිදු කරන ලදි. මෙහිදි පරිසරයෙන් අපට ඇසෙන ශබ්ද,කුරුල්ලන්ගේ මිහිරි නාද,ලා හිරු කිරණේ ආශ්වාදය පරිසර භාවනාවෙන් අප හට ලැබිණි.ඊට පසු අපි ඉරණමඩු  දක්වා ගමන් කිරිම පටන් ගන්නා ලදි.අපි මෙහිදි කිලිනොච්ච් කච්චේරි භුමියේ රුක් රෝපණ වැඩසටහනක් සිදු කරන ලදි.පරිසරයට ආදරය කරන හරිත නායකයින් වශයෙන් රුක් රොපණයේ වැදගත් කම පහදා දෙන ලදි.ඊට පසු ඉරණමඩු  ජාලාශය දක්වා පාපැදි වලින් ගමන් කරන ලදි. ඉරණමඩු  ජාලශය අක්කර106,500 ක්  පමණ භූමි ප්‍රදේශයක විහිදී ඇත.මෙමගින් විශාල වෙල් යායවල් ප්‍රමාණයක් ස්වයංපෝෂිත කරනු ලැබේ.එසේම  ජලාශය අවට  මිනිසුන් විසිනි දමා යන ලද  පොලිතීන්,ප්ලාස්ට්ක් විශාල ප්‍රමාණයක්  අප යාත්‍රිකයින් විසින් එකතු කර වෙනම වෙන් කර අවට පරිසරය පිරිසිදු කරන ලදි.

ශරීර සුවතාවට පෙර පරිසර භාවනාව

ඉරණමඩු ජලාශයේ බැම්ම මත

ඉරණමඩු ජලාශය අසළ පිරිසිදු කිරීම්

කිළිනොච්චිය දිස්ත්‍රික් ලේකම් කාර්යාලයේ ප්‍රධානී එස්. අරුමයිනායගම් මහතා සහ සත්‍යසීලන් මහතා යාත්‍රිකයින් සමග

ඊට පසු දවල් ආහාරය සදහා කිලිනොච්චි ආරක්ෂක මූලස්ථානය  සදහා පිටත් විය. එම ස්ථානය ගස් කොලින් පිරැණු වැව් ඉස්මත්තක පිහිටා ඇත.එම ස්ථානයේදී කන්චනා මහත්මිය ඒම පරිසරය පිලිබඳව හරවත් දේශනයක් පවත්වන ලදි එසේම පරිසරයේ සුන්දරත්වය විදින ආකාරය පිළිබදව පහදා දෙන ලදි, එහිදී කොර කහ(ironwood / Memecylon umbellatum) ශාකය පිළිබඳව හරවත් පැහැදිලි කිරීමක් සිදු කරන ලදි.දවල් ආහාරයෙන් පසු  අවට පරිසරයේ සිරි නරඹමින් සිට නැවත නාවාතැන දක්වා ගමන ආරම්භ කලෙමු.

කාන්චනා මහත්මියගෙන් කොර කහ ශාකය පිළිබඳව යාත්‍රිකයින්ට දැනුමට යමක් 

වන්නි යාත්‍රාවේ තුන් වන දිනය. මෙදින අපට විශේෂ දිනයක් විය එනම්, ලෝක පරිසර දිනය මෙදිනට යෙදී තිබීමයි .එසේම අප නවාතැන්ගෙන සිටි .St.Teresa Churchහි රුක් රෝපණ වැඩසටහනක් කරන ලදි.ඊට පසු අප කිලිනොච්චි මධ්‍ය මහා විද්‍යාලයේ  පරිසර දිනය වෙනුවෙන් දියත් කරන ලද වැඩසටහනට නිව්ටන් මහතා විසින් අවබෝධාත්මක මහතා පිළිබදව හරවත් දේශනයක් ඉදිරිපත් කරන ලදි.ඊට පසු පාසල් ළමුන් සමග කිලිනොච්චි නගරයේ ජනතාව  දැනුවත් කිරිම සඳහා  පෙලපාලියක් පවත්වන ලදි.ඊට පසු විශ්වමඩු සඳහා පිටත් විය.මෙහිදි අප හට දවල් ආහාරය ලබා දේන ලද්දේ හමුදාව විසිනි.මෙදින අපට රැය පහන් කිරිමට සිදු වුයේ විශ්වමඩු පාසලකය. එය අප හට අලුත් අත්දැකිමක් විය.

කිළිනොච්චිය ජාතික පාසලේ පරිසර දින වැඩසටහන

යාත්‍රිකයින් විසින් දැනුවත් කිරීමෙන් පසු අත් පත්‍රිකා බෙදා හරිමින් 

ධර්මපුරම් නගරයේ පැළ සිටවූ අයුරු 

යාත්‍රිකයින්ට අති මහත් සහයෝගයක් දැක්වූ ක(ර්)නල් ශාන්ත කහගල්ල මහතා 

මග දෙපස දැනුවත් කිරීම්

වන්නි යාත්‍රාවේ හතර වන දිනය, මෙදින අප හට ගමන් කිරිමට තිබුනේ විශ්වමඩු  සිට පුදුකුඩුඉරිප්පු සඳහා.මෙදිනත් සුපුරුදු පරිදි ශාරිරික සුවතා සිදු කර පුදුකුඩුඉරිප්පු සඳහා පිටත් විය. යාත්‍රිකයන්ගේ පලමු තොතැන්නවුයේ තෙරාවිල් නම් වැව.මෙහිදි අපහට පක්ෂින් විශාල ප්‍රමාණයක් දැක ගත හැකි විය, වරැණි මහත්මිය මේ සඳහා අපහට සහයෝගය ලබා දෙන ලදි.ඊට පසු පුදුකුඩුඉරිප්පු මාර්ගයේ ගමන් කරන ගමන් අතරතුර  උඩයාර්කට්ටු ප්‍රදේශයේ ජනතාව දැනුවත් කිරිම සිදු කරන ලදි

මග දෙපස දැනුවත් කිරීම්

වන්නි යාත්‍රාවේ පස් වන දිනය.මෙදින අපගේ ගමන් මාර්ගය වූයේ පුදුකුඩුඉරිප්පු සිට මුලතිව් නගර්ය දක්වාය.මෙදින මුලතිව් ප්‍රාදේශීය  ලේඛම් කාර්ය මණ්ඩලය දැනුවත් කිරිමේ වැඩසටහනක් සිදු කරන ලදි.එසේම මුලතිව් නගරයේ දී යාත්‍රිකයින් විසින් විදි නාට්‍යක් ඉදිරිපත් කරන ලදි.

මුලත්ව් දිස්ත්‍රික් ලේකම් කාර්යාලයේදී ලෝක සාගර දිනයට සමගාමීව පැවැත් වූ වැඩසටහන 

එසේම ජනතතා දැනුවත් කිරීමක් සිදු කරන ලදි.එසේම සවස් වරුවේ නන්දිකාඩාල් කලපුවේ සත්ත්ව ජෛව විවිධත්වය සහ ශාක විවිධත්වය පිළිබඳව අධ්‍යනයක් සිදු කරන ලදි එහෙදි .එහිදි විවිධ සතුන් සහ ශාක හදුනා ගන්නා ලදි. ඊට පසු එදින නවාතැන සඳහා පිටත් විය. එදින අප නවාතැන් ගන්නා ලද්දේ සුන්දර මඩවාලසිංහ වැව අද්දර ඉදිකරන ලද lake view park 

වන්නි යාත්‍රාවේ සයවන දිනය. එදින උදැසන වැව් තාවුල්ලේ සිට සුර්ය නමස්කාරය සිදුකරන ලදි. තවද ගස් සමඟ කතා කිරිමට  යාත්‍රිකයින් සඳහා අවස්ථාව ලබා දෙන ලදි. එසේම කණ්ඩායම් හැඟිම වර්ධනය කරන ක්‍රියාකාරකම් සිදු කරන ලදි. එදින පක්ෂින් සහ සමනලුන් අධ්‍යනය කරන ලද අතර ගමන් මාර්ගය දෙපස පරිසරය හා ජෛව විවිධත්වය අධ්‍යනයක්ද මෙදින සිදු කරන ලදි.

ව(ර්)ලීස් මගින් සංගීතමය භාවනාව 

සූර්ය නමස්කාරය

මඩවාලසිංහ වැව් ඉස්මත්තේ යාත්‍රිකයින් 

ශාකයක් සමග සන්නිවේදනය

වන්නි යාත්‍රාවේ හත්වන දිනය මෙදින නඩන්ගනි සිට පුලෙයිම්කුලම් දක්වාය. මෙදින නව ශාක වර්ඟ හදුනා ගන්නා ලදී එසේම සන්නිවේදන හැකියාව වැඩිදියුණු කරන ක්‍රියාකරකම් සිදු කරන ලදි. එසේම පසුගිය දිනවල යාත්‍රවේ සිදු කරන ලද ක්‍රියකාරකම් කම් පිළිබඳව යාත්‍රිකයින් ගේ අදහස් විමසිමක් සිදු කරන ලදි.

වන්නි යාත්‍රාවේ  අටවන දිනය මෙදින අපගේ ගමන් මාර්ගය වූයේ පුලයිකුලම් සිට වවුනියා දක්වාය මෙහිදි යාත්‍රිකයින් වවුනියා බස් නැවතුම්පලේ සිට ජනතව දැනුවත් කිරිමේ වැඩසටහනක් සිදු කරන ලදි.කන්චනා මහත්මිය විසින් පරිසර පද්ධති සහ ආක්‍රමණශීලී ශාක පිළිබඳව දැනුවත් කරන ලදි.

මග දෙපස කණ්ඩායම් ක්‍රියාකාරකම් 

ගයනිගෙන් පුරාවිද්‍යාව පිළිබඳව දැනුමට යමක් 

අජිත් මහතාගේ අනගි මෙහෙවර වීඩියෝකරණයෙන් 

වන්නි යාත්‍රාවේ අවසන් දිනය එදින උදැසනම කන්චනා මහත්මිය විසින් සුර්ය නමස්කාරය සහ පරිසර භාවනාව සිදු කරන ලදි එසේම අවට පරිසරය පිලිබඳව දැනුවත් කිරිමක් සිදු කරන ලදි.

ඊට පසු වන්නි යත්‍රව පිළිබදව සහභාගිවු සාමාජිකයන්ගෙන් අදහස් විමසිමක් සහ ඉදිරියට සිදු කිරිමට බලාපොරොත්තු පිළිබදව අදහස් විමසිමක් සිදු කරන ලදි.මෙහිදි ඔවුන් ඉගෙනගත් දෙය එනම් පරිසරය සුරකින ආකරය පිලිබඳව සාමජය දැනුවත් කිරිම් සිදු කරන බව සඳහන් කරන ලදි. ඊට පසු දවල් ආහාරය ගෙන වන්නි යාත්‍රා වැඩසටහන නිමා විය. මෙහිදි සියලු දෙනා දුක් මුසු මුහුණින් නැවත් හමු වන තුරු සමුගන්නා ලදි. 

- ජයනි දන්දෙනිය - 

වසන්තයට සැරසෙන ECO-V අපේ පරිසර හිතකාමී කාබනික ගෙවත්ත

පරිසරය කියන්නෙ අපේ ජීවිතයේම කොටසක් ද? නැහැ. ඇත්තටම අපි තමයි පරිසරයේ එක් පුන්චිම පුන්චි අංශුවක් වෙන්නෙ. ඉතින් මිහිමඬලේ හිතැතියන් ඒකරාශී කරන එක් තෝතැන්නක් වන පරිසර හිතකාමී ස්වේච්ඡා සංවිධානය (ECO-V) වන අපේ ආයතනයට සම්බන්ධ සුවිශේෂීම අංගය තමයි අපේ මේ Eco garden එක. කෘෂිකර්මය හා වගා ක්‍රම පිළිබඳව පෘථුල අවබෝධයක් මට නොමැති වුවත් උදෑසනම නාගරික ප්‍රදේශයක ඇති මේ පුංචි ගෙවත්තට පිවිසුනාම හිතට දැනෙන්නෙ වචනයෙන් කියා නිම කළ නොහැකි සැනසීමක්. සුන්දරත්වයක්. 

චෙරි ගසේ ගෙඩි පිරී ඇති අයුරු

ගෙවත්ත මධ්‍යයේ ඇති අලංකාර චෙරි ගස

උදා හිරු කිරණට හිනැහෙන නොයෙක් වර්ගයේ ශාක විශාල ප්‍රමාණයක් මේ  පුංචි පර්චස් 20 ඇතුලත අපට දැකගන්න පුලුවන්. උදෑසනම මේ භූමියට ගොඩවදින ඕනෑම කෙනෙක් පිළිගන්න තවත් එක්තරා පිරිසක් මග බලාගෙන ඉන්නව. ඒ තමයි විශේෂ 17කට පමණ අයත් වන පාට පාට සමනල් රංචුව. ඔවුන් සඳහා අඬනිහිරියා, කතුරුමුරුංගා, කිරි අඟුණ ආදී ධාරක ශාක විශේෂ (බෝ වීම සඳහා උදව් වන ශාක) සහ දෙහි, සීනියාස්, බලු නගුට, රාජ පොහොට්ටු ආදී පෝෂක ශාක විශේෂ (පෝෂණය සඳහා උපකාරී වන ශාක) ගණනාවක් අපේ Eco garden එකේ දැක බලාගන්න පුළුවන්. (අඬනිහිරියා, දෙහි ආදී ඇතැම් ශාක ධාරක සහ පෝෂක යන වර්ග දෙකටම අදාළ වේ.) සමනලුන්ට අමතරව මේ කුඩා හරිත උයන තවත් ජීවීන් බොහෝ ප්‍රමාණයකගේ ස්වකීය රාජධානිය බවට පත්ව ඇති අපූරුව අපට දවසේ ඕනෑම වෙලාවක මෙයට පිවිසුනොත් දැක බලාගන්න පුළුවන්.

අපේ Eco garden එකේ සම්බන්ධීකාරක තමයි මේ ඉන්නෙ.

අලුතෙන් සෑදූ පාත්ති වල පස සකසමින්

ඇය නමින් ජයනි දන්දෙනිය. හදවතින්ම පරිසරයට ආදරය කරන ඇය උදෑසන කාලය සම්පූර්ණයෙන්ම garden එකේ තමයි ගත කරන්නෙ. ඉන් පසු සවස් වරුවේදීත් පැය කිහිපයක් එහි ගත කරන ඇය අමතර වෙලාවල්හිදී බොහෝ විට පරිසර හිතකාමී වගා ක්‍රම සහ ඒ ආශ්‍රිත දෑ පිළිබඳව පොත් පත් හෝ අන්තර්ජාලයේ පල වන ලිපි පරිශීලනය කරමින් ECO-V ආයතනයේ නිර්මාතෘ කාන්චනා මිස්ගේත් උපදෙස් අනුගමනය කරමින්  මේ නාගරික ගෙවත්ත මනා ලෙස නඩත්තු කිරීමට හදවතින්ම උත්සහ දරනව.

බඩ ඉරිඟු ශාක කෘමි උවදුරින් බේරා ගැනීම සඳහා කාබනික කොහොඹ දියරය ඉසිමින්

බොහෝ සිකුරාදා දිනයන්හි සවස් වරුව ඇය ගත කරන්නෙ සෙනසුරාදා දිනය පුරාවටම කොළඹ රේස් කෝස් පරිශ්‍රයෙහි පවත්වනු ලබන Good Market සඳහා Eco garden එකෙන් සතියක් තුළ ලබන වස විසෙන් තොර ඵලදාව නෙලා යැවීම සඳහායි. පුන්චි පර්චස් 20ක් තුළ මේ තරම් ඵලදාවක් ලබන්න පුලුවන්ද? ඔව්. ඒක ප්‍රශ්නයක්. ආර්ථිකමය වශයෙන් විශාල ආදායමක් ලැබීම නෙමෙයි අපේ Eco garden එකේ අරමුණ. පොඩි ඉඩප්‍රමාණයක් හැකි උපරිමයෙන් ප්‍රයෝජනයට අරගෙන ඉන් ලබන ඵලදාව ECO-V අපි අතර සහ good market හිදී සාධාරණ මුදලකට අලෙවි කර එම මුදල් නැවතත් Eco garden එකේම සුබ සිද්ධිය සඳහා යෙදවීම තමයි අපේ අරමුණ.

Good Market සඳහා අස්වැන්න

ඊට අමතරව බොහෝ අවස්ථාවන්හිදී දේශීය විදේශීය විශ්ව විද්‍යාල සිසු සිසුවියන් ආදී නොයෙකුත් වයස් කාණ්ඩයන්හි පිරිස් සඳහා දැනුම සහ නාගරික ප්‍රදේශයක ගහකොළ සමග මොහොතක් රැඳීමේ ආශ්වාදය ලබා දෙන අධ්‍යාපනික මෙවලමක් බවටද අපේ මේ Eco garden එක පත්ව තිබීම ECO-V අපි ලද භාග්‍යයක්.

ලියෝ සාමාජිකයින් සඳහා වැඩසටහනක් පවත්වමින්

ව්‍යාපෘතියක් සඳහා කරුණු රැස් කිරීමට පැමිණි විදෙස් සිසුවෙක්

විදේශීය සිසුන් සඳහා පුහුණු වැඩසටහන්

ගස්ලබු, පේර, අඹ, ජම්බු, කාමරංකා, ලෙමන්, කෙසෙල්, චෙරි ආදී පළතුරු ගස්, කොළ ගෝවා, රතු ගෝවා, වැටකොළු, පතෝල, කරවිල, බණ්ඩක්කා, මෑ, දඹල, නීර ලීක්ස්, නිවිති, ගොටුකොළ, මුගුණුවැන්න, ලුණු විල, තෙබු, මස් බැද්ද, මිරිස්, තුල්සි, කරාබු නැටි, සේර, සැවැන්දරා, පැඟිරි, ආදී නොයෙකුත් එළවළු පලා සහ ඖෂධ ශාක බොහෝ ප්‍රමාණයක් මේ පුන්චි උයනට පිවිසුණු විට දැක බලාගන්න පුළුවන්. 

ගස් ලබු

ලෙමන්

රොසෙල් (මෙය රසවත් පානයක් ලෙස සකසා ගත හැක)

නිවිති

ගොරක තක්කාලි

නීර ලීක්ස් 

කොළ ගෝවා

ගොටුකොළ සහ මුගුණුවැන්නා පාත්ති

ලුණුවිල පාත්තියේ තණකොළ ගලවමින් (අපේ කාන්චනා මිස් කියන විදියට නම් පාත්තියක තණකොළ ගලවන එක එක්තරා ආකරයක භාවනාවක්)

මිරිස් පාත්තියක්

රසවත් පානයක් සකසා ගැනීම සඳහා නිල්කටරොළු මල් නෙලමින්

නිල් කටරොලු මල් උණුසුම් ජලයේ දමා මද වේලාවකින් මල් අයින් කර සීනි හා ලුණු ස්වල්පයක් දමා අවශ්‍ය නම් දෙහි බින්දු කිහිපයක්ද දමා රසවත් වර්ණවත් පානයක් සකසා ගත හැකිය. මල් වේලා කල් තබා ගැනීමෙන්ද මෙය සකසා ගත හැක.

තවත් රසවත් වර්ණවත් ඉතාමත් ගුණදායි පානයක් සකසා ගත් හැකි මල් වර්ගයක් (පොකුරු වද)

සොබා දහම වසත් සමය සඳනා නැවුම් මුහුණුවරකින් සැරසෙන මේ දිනවල අපේ මේ පුන්චි කාබනික උයනත් ඊට හරි හරියට ලක ලැහැස්ති වෙන එක නම් බලන්න ලස්සන දසුනක්. නුදුරේදීම අලුත් සමාජිකයන් බොහෝ දෙනෙකුට සිය නිවහන බවට පත් වීමට යන මේ වාසනාවන්ත භූමිය තවත් දිගු කාලයක් වැජඹේවා කියල ECO-V අපි ප්‍රාර්ථනා කරන්නෙ හදවතින්මයි.

- චාපා අමරසිංහ -

පරිසර හිතකාමී කෘෂි කර්මාන්තය

ඔක්තෝබර් මස මුහුනු පොතේ සඳහන් වු දැන්විමක් දැක මාගේ සිත ඒ දෙසට යොමු විය. ඒහි සඳහන්ව තිබුනේ පරිසර හිතකාමි ලෙස කාබනික කෘෂි කර්මානතය පිළිබඳවයි. ඒ අනුව මම පරිසර හිතකාමි ස්වේඡ්ඡා සංගමයට බැදුණි. ඊට පසු මම  ECO-V සභාපතිනි කාන්චනා විරකෝන් මහත්මිය  සමඟ ECO Garden නැරඹිමට දවසක් වෙන් කර ගන්නා ලදි. ECO Garden දොරටුවෙන් ඇතුල් වන විට ගස් වලින් පිරුණු වන ලැහැබකට ඇතුල් වුවාය යන හැගීමක් ඇති  විය. විවිධ  වර්ණයන්ගෙන් පිපී තිබු සීනියාස් මල් වල  විවිධ වර්ණයන්ගෙන් යුත් සමනලුන් මල් පැණි බොමින්, සතුටින් පියාසර කරමින් සිටියහ. 

කාන්චනා මහත්මිය මට ECO Garden පිළිබඳ පැහැදිළි කිරිමක් සිදු කරන ලදි. 

ECO Garden කොටස් දෙකකට වෙන් කර ඇත. පළමු කොටස මෙත්තා උයන ලෙසද දෙවන කොටස කාබනික වගා කටයුතු සඳහා යොදා ගෙන තිබිණි. මෙත්තා උයනේ ආපෝ, තේජෝ, වායෝ, පඨවි යන අර්ථයන් නිරුපණය වේ. උයනේ ගමන් කරන මාර්ගයේ මැද රතු විදුළි බුබුලු වලින් සැරසි ඇති ලෙසින්  චෙරි ගසක් දැකගත හැකි විය. එසේම මම ප්‍රථම වතාවට roslle නම් ශාකය හදුනා ගන්නා ලදි. එහි රත් පැහැ පුෂ්පයක් හට ගන්නා බවත් එය පානයක් වශයෙන් භාවිත කරන බවත් කාන්චනා මතත්මිය පවසන ලදි. 

Roslle

කාන්චනා මහත්මිය සමඟ සාකච්චා කරනවිට කාබනික කෘෂි කර්මාන්තය සහ ජෙව ගතික වගා ලිත පිළිබඳව ඉතාමත් හරවත් පැහැදිළි කිරිමක් සිදු කරන ලදී. ලංකාවට නවින තාක්ෂණයක් වන Hugelkulture , Keyhole garden යන ක්‍රම Eco Garden තුල භාවිතා කර තිබිනි. එය මාහට  අලුත් දැනුමක් විය.

එසේම වගා බිමට අවශ්‍ය ජලය සපයන්නේ පරිසර හිතකාමි ලෙස භාවිතා කල හැකි ළිඳකිනි. එම ළිඳ ව්දේශයකින් පැමිණි ස්වේච්ඡා නිළධාරියකු විසින් සාදා දෙන ලදි. එමගින් පහසු ලෙස ජලය ඉහළට ගැනීමට හැකිය.

අපහසුවකින් තොරව වගා බිම සඳහා ළිඳෙන් ජලය ලබා ගනිමින්

වගා  බිමට අවශ්‍ය පොහොර සපයා ගන්නේ ගැඩවිල් දියරයෙන් සහ කොම්පොස්ට් වලිනි.පළිබෝධ මර්ධනය කරගැනිමට භාවිත කරන්නේ කොහොඹ දියරයයි.

එම කුඩා  බිම්කඩ තුල  විවිධ ශාක ඝනත්වයක් ඇත. මෙම බිම්කඩ තුල Permaculture යන සංකල්පය යටතේ වගා කර ඇත. Permaculture යනු කෘෂිකාර්මික හා ඊට අදාලවන සමාජීය ලක්ෂණ සහිත සැලසුමකට සොබාදහමෙ පවතින රටාවන් හා ලක්ෂණ සෘජුවම හෝ වක්‍රාකාරයෙන් හැකිතාක් යොදාගනිමින්, විවිධ පාරිසරික පද්ධතීන් සැලසුම් කිරීම, ඒවා නිර්මාණය කිරීම, ජල සම්පත් කලමනාකරණය ,පසේ ගුණාත්මක බව වැඩි දියුණු කිරීම වැනි කරුණු ගණනාවක් උපයෝගී කරගෙන පිහිටි ප්‍රදේශයේ කාලගුණික, දේශගුණික සාධකවලට ගැලපෙන දීර්ඝ කාලීනව ස්වාභාවිකව නඩත්තුවෙන, සොබාදහමට විරුද්ධව කටයුතු නොකර සොබාදහම සමග ගලායමින් සිදුකරන චින්තනයන් විශාල ප්‍රමානයකින් සමන්විත දිනෙන් දින නව කරුණු හා ක්‍රමයන් එකතුවෙමින් වැඩි දියුණු වෙමින් පවතින දර්ශණයකි. පරිසරය සුරකිමින් වස විසෙන් තොර තමාට අවශ්‍ය එළවලු සපයා ගැනීමට සමාජය පෙළඹවීමට දරන යහපත් උත්සහයකි. 

මෙම පරිසර හිතකාමී ගෙවත්ත තුළ ඉදිරියේදී නවීන කෘෂි තාක්ෂණයක් වන සහ යන ක්‍රම භාවිත කිරීමට හා ප්‍රචලිත කිරීමට මම බලාපොරොත්තු වන අතර කිසිඳු ජීවියෙකුට හිරිහැරයක් නොවන අයුරින් වසෙන් විසෙන් තොර දැහැමි වගාවක් තුළින් ගුණදායී ඵලදාවක් ලබා තවෙකෙකුගේ නීරෝගී සම්පත්තියකට ECO-V හරහා දායක වීම මාගේ එකම අභිප්‍රායයි.

-ජයනි දන්දෙනිය- 

මිහිමඬලේ හිතැතියෝ - උඩවළව

ධනුෂ්ක කියන්නෙ ECO-V සමග වසර ගණනාවක සබඳතාවයක් තියන ECO-V හරහා බිහිවුණු හරිත නායකයෙක්. ඔහු ඔහුගේ ගම් පළාත වන රමණීය උඩවලව ප්‍රදේශයේ ඔහුගේ කණ්ඩායමත් සමග තරුණ හරිත කඳවුරක් සංවිධානය කිරීමට උත්සුක වූයේ මාස ගණනාවකට ඉහතදීයි. කෙසේ හෝ 2017 වසර අවසානයේ ඔහුගේ ඒ උත්සහය මල්පල ගන්වමින් හරිත නායකයින් බිහිකිරීමේ තරුණ පාරිසරික කඳවුරක් දෙසැම්බර් 24, 25 සහ 26 යන තෙදින තුළදී පැවැත්වීමට ඔහුට හැකි වුණා. මේ සඳහා මාතර, කිලිනොච්චිය, බණ්ඩාරවෙල, කොළඹ ආදී දිවයිනේ නන් දෙසින් ECO-V පැරණි සාමාජිකයින් මෙන්ම නව සාමාජිකයින් කිහිප දෙනෙක්ද සහභාගී වුණා.

ධනුෂ්ක තම දැනුම කණ්ඩායම සමග බෙදා ගනිමින්

තෙදින පුරාවටම විවිධ වූ පරිසර හිතකාමී ක්‍රියාකාරකම් වල නියැලුනු  තරුණ පිරිසට උඩවලව ජාතික වනෝද්‍යානයේ  ක්ෂේත්‍ර චාරිකාවක් මෙන්ම උඩවලව ඇත් අතුරු සෙවණේ සියලුම ක්‍රියාකාරකම් පිළිබඳව මනා අවබෝධයක්ද ලැබීමට හැකි වුණා. වෙල් යාය, වන ලැහැබ අතරින් ඇළ දොළ පසු කරමින්, පරිසරයේ සියුම් තැන් විඳිමින් පැය කිහිපයක පාරිසරික චාරිකාවකට සහභාගී වීමට හැකි වීම සියල්ලෝගේම වඩාත් සිත් ගත් අවස්ථාවක් වුණා. 

ඇත් අතුරු සෙවණේ කටයුතු පිළිබඳව එහි නිලධාරියෙක් විසින් පිරිසට පැහැදිළි කරමින්

දේශාන්ත විසින් ඇත් අතුරු සෙවණේ කාර්ය මණ්ඩලයට ස්තූති කරමින්

උඩවල ජාතික වනෝද්‍යානය

විදුලි සැර වැදීම නිසා ඇත් අතුරු සෙවණේදී සැත්කමකට භාජනය වූ ඔහු යතාතත්වයට පත් වෙමින් සිටී

ගෙවී ගිය දිනය පිළිබඳව අදහස් හුවමාරු කරගන්නා සැඳෑ හමුව

දෙසැම්බර් 26 දින උදෑසන සුනාමි ව්‍යසනයෙන් දිවි අහිමි වූ ජනතාව සිහි කර පහනක් දල්වමින්

ඇළ දොළ පසු කරමින් ගිය පාරිසරික චාරිකාව

පාරිසරික චාරිකාවේදී හමු වූ සමනල් පාරාදීසය

මිහිමඬලේ හිතැතියෝ ඇත් අතුරු සෙවණේ නිලධාරියෙක් සමඟ

ධනුෂ්ක තම අදහස් දක්වමින්...

2007 සැප්තැම්බර් 19 දින ECO-V සමඟ සම්බන්ධ වන්නේ පැස්තුඩු මිතුරෙකු ලෙසිනි. ECO-V යනු මගේ ජීවිතයේ ගොඩක් වෙනස්කම් සිදු වුන තැනක්. ආරම්භයේ දී එතරම් වැටහීමක් නොමැති වුවත් එක් එක් පුහුණු වැඩසටහන් වලට සහභාගි වීමෙන් පසුව ECO-V යන්න කුමක් ද එමඟින් සිදු වන්නේද යන්න පිලිබදව  හොඳ වැටහීමක් ලබා ගැනීමට හැකියාව ලැබුණා. 2008 පවත්වනු ලැබූ මිහිමඬලේ හිතැතියෝ වැඩසටහන ඉන් මූලික තැනක් ගන්නවා. අප ජීවත් වන පරිසරය පිලිබදව වෙනස්ම විදියකින් බලන්න ආදරය කරන්න අවස්ථාව ලැබුණා. 2011 වසරේ පැවති කැළණි නදී යාත්‍රව එම උනන්දුව උවමනාව තවත් වැඩිවීමට හේතුවක් වුනා. බොහෝ දෙනෙක් අදුර ගන්නට තවත් නොයෙක් ආකාරයේ පරිසර සංවිධාන සමඟ එක් වී කටයුතු කරන්නට අවස්ථාව ලැබුණා. මෙි සියලුම දේ මගින් මට දැනුන දෙය නම් පරිසරය වෙනුවෙන් ඇත්තටම වැඩක් සිදු වන්නේ නම් ඒ ECO-V මගින් පමණක් ම බවයි.කැළණි නදී යාත්‍රාවෙන් පසුව පාපැදි 2013,යාල් යාත්‍රා රුහුණු යාත්‍රා ආදියට සහභාගි වීමෙන් අත්දැකීම් රාශියක් ලබා ගැනීමට හැකියාව ලැබුණා. ECO-V මගින් ලැබුණු පන්නරයෙන් වලව ECO-V බිහි වනවා. මෙි මගින් පැල සිටුවීමේ වැඩසටහන් එමෙන්ම වැදගත් ම කරුන වන්නේ උඩවලවේ ආරම්භ කරන ලද කාබනික වගා ආදර්ශ ගොවිපලයි.එහි කාබනික වගාව මෙන්ම විවිධ වූ පාරිසරික වැසටහන් පිලිබදව අවුරුදු 16 ත් 25 ත් අතර තරුණයන් 12 දෙනෙකු පමණ පුහුණු වීම් සිදු කරනවා. මෙහි වැඩ කටයුතු කරගෙන යාමේදී අභියෝග නැතුවාම නෙවෙයි. ඒ අතරින් බහුල වන්නේ වත්මන් තරුණ පරපුර ජංගම දුරකථන සඳහා අත්බැහි වීම හා මත්ද්‍රව්‍ය සඳහා අත්බැහි වී වීමයි. මෙිවා සමඟ කටයුතු කිරීම අපහසු වුවත් ECO-V යනු මෙි අභියෝග මතින් යන සොදුරු ගමනකි. 2018 වසරත් සාර්ථකව සියලුම කටයුතු සාර්ථක කරගැනීමට හැකියාව ECO-V සියලුම දෙනාටම ශක්තිය ලැබේවා.